Arteta: "Sterling bizga kerak"

"Arsenal" bosh murabbiyi Mikel Arteta tizzasidan olgan jarohati tufayli bir necha hafta maydonga tusha olmagan jamoa futbolchisi Raxim Sterlingning holati haqida gapirdi.

"Rahim haqidagi xabar yaxshi, menimcha. Ko‘ramiz, bu hafta u qanday tuzalib ketadi. Biroq, tiklanish jarayoni so‘nggi bir necha kun ichida biz o‘ylaganimizdan biroz ko‘proq vaqt talab qilishi mumkin. Umid qilamanki, yakunda hammasi yaxshi bo‘ladi, chunki u bizga kerak", - dedi Arteta klub matbuot xizmatiga.

Joriy mavsumda Raxim Sterling “kanonirlar” safida barcha musobaqalarda 10 ta o‘yin o‘tkazib, bitta gol urdi va ikkita golli uzatmani amalga oshirdi.