Postekoglu: "Yomon seriyani buzish vaqti keldi"
"Tottenxem" bosh murabbiyi Ange Postekoglu "Vulverxempton"ga qarshi o‘yindan oldingi fikrlari bilan o‘rtoqlashdi.
"Kecha ular "Manchester Yunayted"ni mag‘lub etib ajoyib natijaga erishdi. Ularda bizga muammo tug‘dirishi mumkin bo‘lgan juda yuqori sifatli o‘yinchilar bor. Bu haqiqatan ham biz uchun juda muhim o‘yin, jamoa eng yaxshi davrni boshdan kechirmayapti, g‘alaba qozonish orqali undan chiqish vaqti keldi.
"Vulverxempton"da yangi murabbiy qo‘l ostida o‘zgarishlar yuz berdimi? O‘ylaymanki, yangi murabbiyning kelishi jamoaga turtki beradi, har bir futbolchi o‘zining eng yaxshi versiyasiga aylanishga harakat qiladi. Ammo yana bir bor takrorlayman, biz har doim "Vulverxempton"da bizga muammo tug‘diradigan yuqori saviyali futbolchilar borligini tushunganmiz", - dedi Postekoglu.
