Nyubel Germaniya terma jamoasi asosiy darvozaboni bo‘lish uchun raqobat haqida gapirdi
Germaniya terma jamoasi darvozaboni Aleksandr Nyubel Oliver Baumann bilan raqobat haqidagi savolga javob berdi.
Mark Andre ter Shtegen yo‘qligida yuqorida nomi tilga olingan ikki darvozabon asosiy tarkib uchun kurashadi.
«Baumann dushanba kuni maydonga tushadi va men uning debyutini intiqlik bilan kutyapman. Umid qilamanki, u yaxshi o‘ynaydi va biz g‘alaba qozonamiz - bu eng muhimi. U bilan men juda yaxshi munosabatdamiz va har doim bir-birimizga eng yaxshi tilaklarni tilaymiz», - dedi Nyubel "Bild" nashriga.
Germaniya va Niderlandiya uchrashuvi dushanba kuni bo‘lib o‘tadi.
