Zorg: "Bu mag‘lubiyatni tushunish juda qiyin"

"Barselona" murabbiylar shtabi a’zosi Markus Zorg jamoaning "Leganes"ga qanday yutqazganini (0:1) tushuna olmayapti.

“Bu yaxshi o‘yin bo‘lmadi. Birinchi muammo o‘yinning dastlabki besh daqiqasida konsentrasiyaning yo‘qligida bo‘ldi.

Bu mag‘lubiyatni tushunish juda qiyin. Biz erta gol o‘tkazib yubordik. Bizda 20 ta imkoniyat bo‘ldi, ammo gol ura olmadik. Busiz g‘alaba qozonish qiyin.

Biz bundan saboq olishimiz kerak. Bir necha kun ichida juda ko‘p qiyin o‘yinlar o‘tkazdik, jamoa bunga ko‘nikmagandi. Buning ustida ishlashimiz kerak”, – dedi Zorg.