Balde: "Yomon o‘ynamadik"

"Barselona"ning chap qanot himoyachisi Alexandro Balde "Leganes"ga qarshi o‘yindagi (0:1) jamoasining o‘yini haqida o‘z fikrlarini bildirdi.

Uchrashuvning 4-daqiqasidayoq mehmonlar hisobni ochishdi. Bu La Liga turnir jadvali peshqadami ustidan kutilmagan g‘alaba uchun yetarli bo‘ldi.

"Menimcha, biz yomon o‘ynamadik. Biz yetarlicha yaxshi edik, ammo imkoniyatlarimizni golga aylantira olmadik. Uchrashuv butunlay boshqacha yakunlanishi mumkin edi, ammo bu sodir bo‘lmadi.

Bunchalik erta gol o‘tkazib yuborish har doim qiyin. O‘z ustimizda ishlashda davom etishimiz kerak", - deya Balde so‘zlarini keltiradi BarcaUniversal.com