Luis Enrike «PSJ» uch nafar futbolchisini muhim o‘yindan chetlatdi
«PSJ» himoyachilari Milan Shkrinyar va Presnel Kimpembe, shuningdek, hujumchi Randal Kolo-Muani bugun kechqurun bo‘lib o‘tadigan Fransiya Liga 1ning 15-turida «Lion»ga qarshi o‘yinda maydonga tushmaydi.
Parijliklar matbuot xizmati xabariga ko‘ra, bu qaror bosh murabbiy Luis Enrike tomonidan qabul qilingan va bunga sport sabablari asos bo‘lgan.
Avvalroq ispaniyalik mutaxassis klubning bir guruh futbolchilari bilan kelishmovchilikda ekani xabar qilingandi. Shu oyning boshida jurnalist Loik Tanzining xabar berishicha, ular orasida aynan Kimpembe va Kolo Muani bor.
