Zelinski: "Klopp men uchun shaxsiy samolyot yubordi"
Milanning “Inter” klubi yarim himoyachisi Piotr Zelinski “Liverpul”ga muvaffaqiyatsiz transferi haqida gapirdi.
2016 yilning yozida polyak "Udineze"dan "Napoli"ga o‘tdi, ammo buning o‘rniga Angliyada faoliyatini davom ettirishi mumkin edi.
"Klopp meni o‘z uyiga taklif qildi va olib ketish uchun shaxsiy samolyot yubordi. Men hayratda qoldim. "Liverpul" meni o‘z safiga qo‘shib olmoqchi edi, ular 18,5 million yevro taklif qilishdi - "Udineze" ko‘proq narsani so‘radi.
O‘shanda men hali top o‘yinchi emasdim va "Liverpul" mening shartnomam uchun kurashda davom etmadi", - dedi futbolchi.
