"Slovan" ustozi: "Atletiko" hozir ajoyib formada"

YECHL guruh bosqichning 6-turida "Atletiko" o‘z maydonida "Slovan" jamoasini qabul qiladi.

Ushbu bellashuvdan oldin mehmonlar ustozi o‘yin haqidagi fikrlari bilan o‘rtoqlashdi.

"Futbolchi sifatida Simeone o‘zining barcha kuchli tomonlarini qanday ishlatishni bilardi. Gap faqat futbol maydonidagi yutuqlar haqida emas. Ajoyib natijalar ko‘rsatayotgan "Atletiko"ni tabriklayman. Ularning ajoyib stadioni bor, bizda esa bu yo‘q. Bu yerda o‘ynash yoqimli bo‘ladi.

"Atletiko" hozir ajoyib formada. Ular uchun dunyoning eng yaxshi futbolchilaridan biri - Grizmann o‘ynaydi. Bunday raqiblardan faqat o‘rganishimiz mumkin. "Milan" bilan so‘nggi o‘yinda qanday harakat qilgan bo‘lsak, xuddi shunday harakat qilamiz. Ochko qo‘lga kiritishga harakat qilamiz" - dedi Vladimir Vayss UYEFA rasmiy saytiga.