Dyokeresh: “Ronaldu va Ibrahimovich meni ilhomlantiradi"

Viktor Dyokeresh Krishtianu Ronaldu va Zlatandan ilhom olishini aytdi.

26 yoshli shvesiyalik hujumchi joriy mavsumda “Sporting” safida barcha turnirlar doirasida 21 ta o‘yinda maydonga tushib, 25 ta gol urdi va 4 ta golli uzatmani amalga oshirdi.

"Meni ilhomlantirgan futbolchilar – Krishtianu Ronaldu va Zlatan Ibrahimovich. Ular kutilganidan oshib ketishadi va bu meni hayratda qoldiradi.

Zamonaviy futbolda jismonan baquvvat, iqtidorli bo‘lish, jamoadoshlaring bilan yaxshi til topisha olish kerak.

Mening uchta eng yaxshi xislatim - bu kuch, imkoniyatlarni o‘zgartira olish va ko‘pincha kerakli joyda bo‘lish", - dedi "Sporting" hujumchisi.