Anchelotti direktorlar bilan Karvaxalga o‘rinbosar topish muhimligini muhokama qildi

Karlo Anchelotti Dani Karvaxalning o‘rniga futbolchi sotib olmoqchi.

«Real Madrid» bosh murabbiyi direktorlar bilan tarkibni kuchaytirish zarurligini muhokama qilgan, deb xabar beradi "Marca". Uning Santyago Solari va Xose Anxel Sanches bilan uchrashuvi shu hafta bo‘lib o‘tdi.

Uchrashuv ishtirokchilari har bir pozisiyada, ayniqsa jarohatlar mavjud bo‘lgan joylarda tarkibning imkoniyatini baholadilar, shuningdek, bozordagi mavjud zaxiralar va variantlarni ko‘rib chiqdilar. Anchelotti talablar qo‘ymagan bo‘lsada, boshqa narsalar qatori, futbolchilarga yuk katta bo‘lgani uchun tarkibni kuchaytirish zarurligini ta’kidladi.

Tomonlar transferlar zarurligi haqida kelishib oldilar va endi Florentino Peresni ishontirishlari kerak. Prezident odatda qishki transfer oynasida pul sarflashni istamaydm. Agar rahbariyat rozi bo‘lsa, potensial nomzodlarni jiddiy o‘rganish ishlari boshlanadi.