Roys AQSHda g‘olib bo‘ldi

"Los-Anjeles Gelaksi" MLS kubogi finalida "Nyu-York Red Bullz"ni mag‘lub etdi (2:1). Uchrashuvning 13-daqiqasidayoq hisob 2:0 ko‘rinishiga keldi – Jozef Peynsil va Deyan Yovelichlar gol urishdi.

“Qizil buqalar” 28-daqiqada Shon Nealis orqali hisobni bittaga qisqartirishdi, ammo hisob boshqa o‘zgarmadi. 

75-daqiqada Dortmundning "Borussiya" klubi sobiq futbolchisi Marko Roys maydonga tushdi va MLSdagi debyut mavsumini g‘alaba bilan yakunladi.

“Los-Anjeles Gelaksi” navbatdagi mavsumda G‘arbiy konferensiya g‘olibiga aylandi va umumiy liga turnir jadvalida faqat Sharqiy konferensiya chempioni “Inter Mayami”ga yutqazdi.