Mareska "Chelsi" chempionlik poygasida qatnashmayotganini aytdi

Enso Mareska "Chelsi" chempionlik uchun kurashmayotganini aytdi.

London klubi APL turnir jadvalida 12 turdan keyin 22 ochko bilan 4-o‘rinda bormoqda.

"Yo‘q biz poygada emasmiz. Men buni ko‘p marta aytganman. Menga bosim yoqmaydi. Men poygada bo‘lganimizni aytishni xohlamadim.

"Arsenal" bizdan ustun, "Manchester Siti" bizdan ustun, "Liverpul" bizdan ustun ekanligini ko‘rsatmoqda. Muhimi, har bir o‘yinda yaxshiroq o‘ynaymiz, keyin ko‘ramiz. "Siti" ketma-ket uchta o‘yinda mag‘lub bo‘ldi, ammo ikkinchi o‘rinda qolmoqda. "Arsenal" kurashda. "Liverpul" ajoyib o‘ynamoqda.

Asosiy e’tibor har bir o‘yinda yaxshiroq o‘ynashimizga qaratilishi kerak", - dedi "Chelsi" bosh murabbiyi.