Slot Gravenberxni "Real" afsonasi bilan solishtirish haqida hazil qildi

Chorshanba kuni "Liverpul" "Real Madrid"ni 2:0 hisobida mag‘lub etdi. O‘yindan ko‘p o‘tmay konferensiya zalida “qizillar” ustozi Arne Slot paydo bo‘ldi.

Jurnalistlardan biri Rayan Gravenberx keyingi Toni Kroos bo‘la oladimi, deb so‘rashdi. 46 yoshli murabbiy o‘z javobi bilan yig‘ilganlarni hayratda qoldirdi: "Yo‘q, chunki u nemis emas, golland", deb kuldi Arne Slot.

Murabbiyning bu so‘zlaridan so‘ng jurnalistlar kulib yuborishdi. Birozdan so‘ng niderlandiyalik mutaxassis anjumanni yakunlab, xonani tark etdi.

Rayan Gravenberx joriy mavsumda 17 ta o‘yin o‘tkazib, bitta golli uzatmani amalga oshirgan.