Guti: "Mbappega ishonch yetishmayapti"
Guti Kilian Mbappening "Real"dagi o‘yini haqida o‘z fikri bilan o‘rtoqlashdi.
Chempionlar ligasining 5-turi doirasidagi uchrashuvda Madrid klubi safarda "Liverpul"ga 0:2 hisobida imkoniyatni boy berdi. Uchrashuvning 61-daqiqasida fransiyalik forvard penaltidan foydalana olmadi.
"Barchamiz Mbappe bilan nima bo‘lganini bilishni xohlaymiz. Unga ishonch yetishmayapti. Penaltini amalga oshirishdan bir necha daqiqa oldin u qo‘rqib ketgandek tuyuldi.
Kilian "Liverpul" va "Barselona"ga qarshi o‘yinlarda vazifani bajara olmadi. Bu haqiqat.
Futbolchi "Real"dek klubga tezda moslashib ketishini tasavvur qilish qiyin. Bu yerda o‘ynash juda qiyin.
Biz uni himoya qilishimiz kerak. Peres, klub va Anchelotti uni himoya qiladi, chunki biz hammamiz unga ishonamiz. Men unga ishonaman.
Tanqid qilish va unga arzimaydi deyish oson, lekin Mbappe dunyoning eng yaxshi futbolchilaridan biri", - dedi "Real"ning sobiq futbolchisi Guti El Chiringuito de Jugones telekanalida.
