«France Football» 2024 yil uchun da’vogarlarni e’lon qila boshladi: Yilning eng yaxshi yosh futbolchilari bo‘lishga nomzodlar
«France Football» jurnali turli nominasiyalar bo‘yicha 2024 yilning eng yaxshisi bo‘lishga da’vogarlarni e’lon qila boshladi. Dastlab yilning eng yaxshi yosh futbolchisi sovriniga da’vogarlar e’lon qilindi.
Ro‘yxatdan 10 nafar futbolchi o‘rin oldi:
Pau Kubarsi, Lamin Yamal (ikkasi – «Barselona»), Alexandro Garnacho, Kobbi Maynu (ikkisi – «Manchester Yunayted»), Arda Gyuler («Real»), Karim Konate («Red Bull Zalsburg»), Joau Nevesh, Uorren Zair-Emeri (ikkisi – «PSJ»), Savio Moreyra («Manchester Siti»), Matis Tel («Bavariya»).
Fransiya terma jamoasining sobiq yarim himoyachisi Raymon Kopa nomiga atalgan ushbu sovrin 21 yoshdan katta bo‘lmagan o‘yinchiga topshiriladi.
G‘olib nomi 28 oktyabr kuni o‘tkaziladigan «Oltin to‘p» marosimida aniqlanadi.
Here are our 2024 Kopa Trophy nominees! #ballondor pic.twitter.com/4bkfIV7iaD
— Ballon d'Or (@ballondor) September 4, 2024
