Deku "Barselona"ning qimmat darvozabonga qiziqishi haqidagi mish-mishlarni rad etdi
"Barselona"ning sport direktori bo‘lib ishlayotgan Deku klub transferlari bilan bog‘liq ko‘plab mish-mishlardan birini inkor qildi.
Kataloniya grandi "Portu" va Portugaliya terma jamoasi darvozaboni Diogu Koshtaga qiziqish bildirayotgandi. 25 yoshli futbolchi jarohat olgan Mark-Andre ter Shtegenni uzoq muddatga almashtirish varianti sifatida ko‘rildi.
"Biz darvozabon Diogu Koshta bilan shartnoma imzolash borasida muzokaralar olib bormayapmiz. Unga "Portu" bilan chempion bo‘lishini tilayman", - dedi Deku Mundo Deportivo nashriga bergan intervyusida.
