Runi ayni paytda eng yaxshi angliyalik futbolchi kim ekanligi haqida fikr bildirdi

"Manchester Yunayted" va Angliya terma jamoasi sobiq hujumchisi Ueyn Runi kimni hozirda eng yaxshi angliyalik futbolchi deb bilishini aytdi.

"Fil Foden men uchun eng yaxshisi. U bu mavsumda hali o‘zini yaxshi ko‘rsata olgani yo‘q, lekin eng yaxshi holatda Fil Angliyada eng yaxshisi. Bellingem va Palmerni ham eslatib o‘tishingiz mumkin, ammo mening tanlovim Foden foydasiga", — dedi Runi Talksport bilan suhbatda.

Eslatib o‘tamiz, Fil Angliya chempionatining so‘nggi mavsumining eng yaxshi futbolchisi sifatida e’tirof etilgandi. Premyer-liganing joriy mavsumida 24 yoshli yarim himoyachi to‘rtta uchrashuvda gol ura olmadi. "Manchester Siti" APL turnir jadvalida uchinchi o‘rinda bormoqda.