Levandovski Messi va Obameyangning natijasini takrorladi
"Real Madrid" aql bovar qilmaydigan sermahsullik ko‘rsatayotgan Robert Levandovskini to‘xtata olmadi.
"Barselona" forvardi shanba kungi "El-Klasiko"da dubl qayd etib, 54 va 56-daqiqalarda Karlo Anchelotti jamoasi darvozasiga to‘p kiritdi. Uchrashuv mehmonlarning yirik hisobdagi g‘alabasi bilan yakunlandi – 4:0.
Levandovski 2017 yildan beri Lionel Messi (2017) va Pyer-Emerik Obameyangdan (2022) keyin "Santyago Bernabeu"da ikki yoki undan ortiq gol urgan uchinchi futbolchi bo‘ldi.
