«Yuve» darvozaboni bilan yangi shartnoma imzolaganini e’lon qildi

«Yuventus» darvozaboni Mattia Perin shartnomani uzaytirdi. Turin klubining rasmiy saytida ma’lum qilinishicha, 31 yoshli futbolchi 2027 yil o‘rtalariga mo‘ljallangan mehnat shartnomasini imzolagan.

2024/2025 yilgi mavsumda Perin «Yuventus» safida to‘rtta o‘yin o‘tkazib, ikkita gol o‘tkazib yubordi.

Seshanba kuni kechqurun darvozabon Chempionlar ligasi doirasida «Shtutgart»ga qarshi o‘yinda (0:1) «keksa senyora»ning darvozasini himoya qildi.