Starridj: "Jekson rivojlanish uchun kerak bo‘lgan hamma narsaga ega"

Angliyalik sobiq futbolchi Daniel Starridj "Chelsi" hujumchisi Nikolas Jeksonning o‘yiniga yuqori baho berdi.

Senegallik futbolchi yakshanba kuni bo‘lib o‘tgan APL doirasidagi "Liverpul"ga qarshi o‘yinda gol urdi, ammo jamoasiga mag‘lubiyatdan qutulib qolishga yordam bera olmadi (1:2).

"Jekson "Chelsi"ning hozirgi tizimida muhim rol o‘ynaydi. U "yolg‘on to‘qqizlik" rolini o‘ynashda ajoyib ishlarni bajaradi.

Bugun u ajoyib gol urdi va darvoza oldida juda xotirjam edi. Men uni statistikaga ko‘ra baholamayman va men uni ajoyib yakunlovchi deb o‘ylamayman, lekin menimcha, u rivojlanish uchun kerak bo‘lgan hamma narsaga ega.

Bunday klub hujumida o‘ynasang, Drogba, Anelka, Krespo kabi jahon darajasidagi futbolchilarga qiyoslanishing muqarrar. Menimcha, biz juda tanqidiy ruhdamiz", - deya Starridjning so‘zlarini keltiradi BBC.