Konte "Chelsi" yarim himoyachisini "Napoli"da ko‘rmoqchi

"Napoli" Chezare Kazadeining transferi ustida ishlamoqda.

Insayder Fabrisio Romanoning so‘zlariga ko‘ra, "Chelsi" yarim himoyachisiga neapolliklar bosh murabbiyi Antonio Konte qiziqish bildirmoqda. "Napoli" rasmiy transfer taklifini yuborishga tayyorlanmoqda.

Qayd etilishicha, "Chelsi" shartnomaga Kazadeining keyingi sotuvining foizini kiritishni so‘raydi. 21 yoshli yarim himoyachiga "Torino", "Feyenoord" va APLning ikki klubi ham qiziqish bildirmoqda.

Kazadei joriy mavsumda "Chelsi" safida oltita o‘yinda maydonga tushdi, jumladan, beshtasi Konferensiya ligasida va bittasi Liga kubogida.