Olmo ijtimoiy tarmog‘iga yangi post joyladi

Ispaniya terma jamoasi tarkibida Yevropa chempioni, "Barselona" yarim himoyachisi Dani Olmo o‘zining ijtimoiy tarmoqlarida yangi yilga bag‘ishlangan post joyladi.

Avvalroq "ko‘k-anorranglilar" futbolchini ro‘yxatdan o‘tkaza olmagani, shu sababli xavbek yanvar oyida erkin agentga aylangani xabar qilingandi.

"2025 yil vaqti," - deb yozdi Olmo o‘zining ijtimoiy tarmoqdagi sahifasida.

Dani Olmo o‘tgan yozda "Barselona"ga "RB Leypsig"dan o‘tgandi. "Barselona" bilan olti oy davomida Olmo barcha turnirlarda 15 ta o‘yin o‘tkazib, oltita gol urdi va bitta golli uzatmani amalga oshirdi.