Rami Ronalduga javob qaytardi

Fransiya terma jamoasi safida jahon chempioni Odil Rami “An-Nasr” hujumchisi Krishtianu Ronalduning Saudiya chempionati Fransiya 1-ligasidan kuchliroq ekanligi haqidagi shov-shuvli bayonotiga izoh berdi.

"U bema’ni gaplarni gapiryapti. Saudiya Arabistonidagi himoyachilarning suratlarini ko‘rsatishimni xohlaysizmi? Uning aqldan ozgan karyerasi borligi uning hamma aytganlari haqiqat degani emas. Menimcha, bu reklama uchun qilingan nayrang.

"Monako", "Lill" yoki "Marsel"ga qarshi o‘ynashga harakat qiling. Kichik jamoangizni "Brest"ga qarshi o‘yinga olib boring. Fransiya Braziliya bilan birga dunyodagi eng katta futbol fabrikasi. Ronalduni Liga 1 himoyachilariga qarshi qo‘ying va ular Krishtianuni "eyishadi".

Bilasizmi, men Krishtianuning muxlisiman, lekin u noto‘g‘ri gapirdi. U Saudiya ligasi fransuzdan yaxshiroq ekanini aytganida, ko‘pchilik unga quloq soladi", - dedi Rami.