Rossiya – Tojikiston uchrashuvining taxminiy sanasi aytildi
Tojikiston terma jamoasi matbuot kotibi Faridun Saliyev Rossiya terma jamoasiga qarshi o‘rtoqlik o‘yini qachon o‘tkazilishi mumkinligini aytdi.
«9 dekabr kuni 2027 yilgi Osiyo Kubogi saralash turniriga qura tashlash marosimi bo‘lib o‘tadi va unda Tojikiston terma jamoasi ham raqiblarini aniqlaydi. Saralash bosqichi 2025 yilning mart oyida boshlanib, 2026 yilning mart oyida yakunlanadi. Balki Tojikiston va Rossiya terma jamoalari o‘rtasidagi o‘yin kelasi yilning sentyabr oyida «CAFA 2025 Nations Cup» turniri doirasida bo‘lib o‘tar», - dedi Saliyev.
