Bellingem «Real» muxlislaridan uzr so‘radi

«Real Madrid» yarim himoyachisi Jud Bellingem Chempionlar ligasi umumiy bosqichining 5-turida «Liverpul»ga qarshi o‘yinda mag‘lubiyatga uchragani uchun jamoa muxlislaridan uzr so‘radi.

«Biz har doim bir qadam oldinda bo‘lamiz, ammo hozirgi paytda - ikki qadam orqada. Ajoyib raqibga qaramay, chindan ham hafsalani pir qiladigan o‘yin va natija. Bizga qo‘shilib Angliyaga kelgan barcha madridliklardan uzr so‘rashim va hammaga minnatdorchilik bildirishim kerak. O‘zgarish mumkin bo‘lmagan narsalarga yopishib olishdan ma’no yo‘q. Biz birgalikda bo‘lishimiz va keyingi muhim bosqichlarda bir-birimizni qo‘llab-quvvatlashimiz kerak,» - deb yozdi Bellingem ijtimoiy tarmoqdagi sahifasida.