Anchelotti jurnalistga "Real Madrid" Chempionlar ligasi finaliga chiqishini aytdi

Karlo Anchelotti jurnalist bilan suhbatda "Real Madrid" Chempionlar ligasi finaliga chiqishini aytdi.

Madrid klubi Chempionlar ligasining 5-turi doirasidagi uchrashuvda “Liverpul”ga imkoniyatni boy berdi (0:2). Ispan jamoasi ushbu mavsumda turnirdagi beshta o‘yinning uchtasida mag‘lub bo‘ldi.

Karlo Anchelottini yaxshi biladigan jurnalist Alberto Cherrutti Angliyadagi o‘yindan keyin italiyalik murabbiy bilan gaplashganini aytdi.

"Uning eng yaxshi fazilati bu xotirjamlik. Men unga xabar yubordim va u bilan gaplashdim.

U mendan "Real" Myunxendagi Chempionlar ligasi finalida o‘ynashini aytishimni so‘radi", - dedi Cherrutti.