Ronaldu Millatlar ligasi to‘purarlar ro‘yxatida peshqadamga yetib oldi

Millatlar ligasi guruh bosqichining beshinchi turi doirasida Portugaliya terma jamoasi o‘z uyida Polsha terma jamoasini qabul qildi.

Roberto Martinesning shogirdlari raqibini 5:1 hisobida mag‘lub etishdi. Ushbu bahsda 39 yoshli hujumchi Krishtianu Ronaldu ishtirok etdi. Portugaliyalik futbolchi ikkita golni o‘z hisobiga yozdirib qo‘ydi. Dubl tufayli KriRo Millatlar ligasining joriy mavsumi to‘purarlar ro‘yxatida birinchi o‘ringa ko‘tarildi. U beshta o‘yinda beshta gol urdi. Sloveniyalik Benjamin Sheshko ham xuddi shuncha gol urdi.

Guruh bosqichining so‘nggi turida Portugaliya terma jamoasi safarda Xorvatiya terma jamoasi bilan to‘qnash keladi.