"Milan" hujumchisi Abraxam jarohat sabab safdan chiqdi

Temmi Abraxam jarohati tufayli o‘yinni davom ettira olmadi.

"Milan" A Seriyaning 8-turida "Udineze"ni mag‘lub etdi (1:0).

73-daqiqada “rossoneri”lar almashtirishni amalga oshirishdi – Alvaro Morata o‘rniga maydonga Temmi Abraham tushdi.

Oradan 5 daqiqa o‘tib Kristian Pulishichning uzatmasidan so‘ng to‘pni darvozaga to‘g‘irlab qo‘ymoqchi bo‘lgan ingliz futbolchisi yerga noqulay tushdi va yelkasidan jarohat oldi.

Abraxam bahsni davom ettira olmadi va 78-daqiqada Ruben Loftus-CHik bilan almashtirildi.