Slot: "Ular hozir yaxshi o‘ynashmoqda"

"Liverpul" bosh murabbiyi Arne Slot klub etakchilarining jamoani tark etishi bilan bog‘liq mish-mishlar haqida gapirdi.

Eslatib o‘tamiz, turli OAVda mavsum yakunida mersisaydliklar safini Muhammad Saloh, Trent Aleksandr-Arnold va Virjil van Deyk tark etishi mumkinligi haqida xabarlar tarqalgan edi.

"O‘ylaymanki, siz bizning futbolchilarni kam baholaysiz. Bu futbolchilar har kuni barcha top-klublar bilan bog‘lanishga o‘rganib qolgan.

Agar siz ularni bu qiziqish bezovta qilmoqda deb o‘ylasangiz, unda siz ularning axloqiy jihatdan qanchalik kuchli ekanligini bilmaysiz.

Bu bizning ishimizning bir qismi. Bu biz yashayotgan dunyoning bir qismi. Faqat nima qilishingiz kerakligiga e’tibor qarating. Trent, Saloh va Van Deyk barcha turnirlarda g‘olib chiqdi. Ular hozir yaxshi o‘ynashmoqda", – dedi Slot.