"Arsenal" Vlaxovich borasida "Yuventus"ga bir necha marta so‘rov yubordi

"Yuventus" markaziy hujumchisi Dushan Vlaxovich Londonning "Arsenal" klubi qiziqishlari doirasida.

Jurnalist Mirko di Natalening so‘zlariga ko‘ra, “Arsenal” so‘nggi bir necha hafta ichida Vlaxovich haqida ko‘p ma’lumot so‘rab murojaat qilgan. Shu bilan birga, "kanonirlar" qishda forvard uchun rasmiy taklif bildirish-bildirmasligi hozircha noma’lum, chunki ingliz grandi ro‘yxatida boshqa hujumchilar ham bor.

Avvalroq “Yuventus” yanvar oyida 24 yoshli Vlaxovich bilan xayrlashishi mumkinligi haqida xabar berilgandi. Joriy mavsumda serbiyalik barcha turnirlarni hisobga olgan holda 23 ta o‘yinda qatnashib, 12 ta gol urdi va 2 ta golli uzatmani amalga oshirdi.