“Real Madrid” “Pachuka”ni mag‘lub etib, Qit’alararo kubogida chempion bo‘ldi
Qatar poytaxti Doha shahrida FIFA Qit’alararo kubogi finali 18 dekabr, chorshanba kuni o‘tkazildi.
“Lusayl” stadionida bo‘lib o‘tgan uchrashuvda Madridning “Real” klubi Meksikaning “Pachuka”si bilan bahs olib bordi.
37-daqiqada Kilian Mbappe uchrashuvda hisobni ochdi. Ikkinchi bo‘limning 53-daqiqasida esa Rodrigo uzoq masofadan zarba berdi va gol urdi.
84-daqiqaga kelib esa “Pachuka” darvozasi tomon penalti belgilandi. Uni Vinisius aniq amalga oshirdi va hisob 3:0 ko‘rinishiga keldi.
Shunday qilib, “Real Madrdi” Qit’alararo kubogi g‘olibi bo‘ldi.
Qit’alararo kubogi, final
Real Madrid Ispaniya – Pachuka Meksika 3:0 (1:0, 2:0)
Gollar: 1:0 – 37 Mbappe, 2:0 – 53 Rodrigo, 3:0 – 84, penalti Vinisius Junior.
Real Madrid – Kurtua, Fran Garsiya, Ryudiger, Tchuameni, Vaskes (Asensio, 88), Kamavinga (Sebalyos, 62), Valverde, Bellingem (Gyuler, 88), Vinisius Junior, Rodrigo (Modrich, 70), Mbappe (Braim Dias, 62).
Pachuka – Moreno, Gonsales, Mikolta, Barreto, Rodriges (Sanches, 75), Pedrasa, Montyel, Deossa (Ernandes, 89), Bautista (Mena, 75), Idrissi (Dominges, 88), Rondon.
Ogohlantirishlar: Pedrasa (51), Rondon (90+3).
