Al-Xelayfi: "PSJ"da dunyoning eng yaxshi murabbiyi bor"

"PSJ" prezidenti Luis Enrikeni dunyoning eng yaxshi murabbiyi deb atadi.

“Menimcha, hozir bizda dunyoning eng yaxshi murabbiyi bor. U kelajak uchun loyiha qurmoqda. Natijalar muhim, ammo biz loyihamizga e’tiborimizni qaratganmiz.

Futbolchilar haqida juda ko‘p mish-mishlar bor. Biz Yevropaning eng yosh jamoalaridan birimiz. Ajoyib murabbiyimiz bilan birgalikda kelajak uchun jamoa qurmoqdamiz. Bu jamoa va murabbiy bilan uzoq muddatli rejamiz bor", - deydi Nosir Al-Xelayfi.