"Chelsi" himoyachisi: "Hozirgi "Chelsi"ga qarshi o‘ynash qo‘rqinchli"
"Chelsi" markaziy himoyachisi Levi Koluill jamoasining o‘yinidan hayratda. Enso Mareska shogirdlari 22 ochko bilan Angliya Premyer-ligasi turnir jadvalida 5-o‘rinni egallab turibdi.
"Bizga qarshi o‘ynashdan qo‘rqaman. Raqiblarni qanday sindirishimiz va qancha imkoniyatlar yaratishimiz shunchaki hayratlanarli. "Aston Villa" bilan o‘yin - muxlislar uchun shou ko‘rsatish va g‘alaba qozonish uchun ajoyib imkoniyat bo‘ladi. Murabbiy bizga ishonch beradi" - dedi Levi Koluill Daily Mail nashriga.
"Chelsi" - "Aston Villa" uchrashuvi yakshanba kuni bo‘lib o‘tadi, uning boshlanishi Toshkent vaqti bilan 18:30 ga belgilangan.
