"Real" "Nyukasl" futbolchisi Toni Kroosning o‘rnini egallashi mumkinligiga ishonmoqda

Madridning “Real” klubi “Nyukasl”ning 24 yoshli markaziy yarim himoyachisi Sandro Tonaliga qiziqish bildirmoqda.

Manbaga ko‘ra, "Los-Blankos" italiyalik futbolchini yozda faoliyatini yakunlagan jamoaning sobiq yarim himoyachisi Toni Kroosning o‘rniga ko‘rmoqda. "Qirollik klubi" 50 mln yevro taklif qilsa, "magpilar" Tonalini "Real"ga sotishga rozi bo‘lishi mumkin.

Joriy mavsumda Tonali barcha turnirlarda oltita o‘yinda qatnashib, unchalik samarali bo‘lmagan. Futbolchining klub bilan tuzilgan mehnat shartnomasi 2028 yilning yoziga qadar amal qiladi.