«Barsa» Kasado va Bernalga to‘liq ishonadi

Joshua Kimmix endi «Barselona»ni unchalik qiziqtirmayapti.

"Mundo Deportivo" xabariga ko‘ra, «Bavariya» yarim himoyachisiga «blaugrana» avvalgidek qiziqish bildirmayapti va uning transferi ustuvorliklar qatorida emas. Bunga Mark Kasado va Mark Bernal kabi futbolchilarning o‘yinlari sabab bo‘lmoqda.

Kataloniyaliklarga hozir Leroy Sane ham kerak emas, chunki Lamin Yamal va Rafinya Dias Xansi Flik qo‘l ostida ajoyib sport formasiga kirib olishgan.

Shu bilan birga, «Barselona» himoyachi Alfonso Devisga qiziqish bildirmoqda.