Mbappe: "Oyning eng yaxshi futbolchisi deb topilganimdan xursandman"

Kilian Mbappe "Real Madrid"da sentyabr oyida jamoaning eng yaxshi futbolchisi sifatida mukofot oldi.

O‘tgan oyda La Liga va Chempionlar ligasining beshta o‘yinida Mbappe oltita gol urishga muvaffaq bo‘ldi.

Mukofotni qo‘lga kiritgach, forvard o‘z fikrlarini bildirdi.

"Men juda xursandman va "Real Madrid" muxlislaridan minnatdorman. Oyning eng yaxshi futbolchisi deb topilganimdan xursandman.

Eng muhimi, o‘yinlarda g‘alaba qozonishda davom etish. Oldinda uchta muhim o‘yin bor va biz g‘alaba qozonishni istaymiz.

Biz tayyormiz va umid qilamanki, barcha “Real” muxlislari uchun yaxshilik qilamiz", dedi Mbappe “Real Madrid” saytida.