"Bavariya"ning yulduz futbolchisi "Manchester Yunayted"ning asosiy maqsadiga aylandi

"Manchester Yunayted" "Bavariya"ning yana bir futbolchisini o‘ziga jalb qilmoqchi.

O‘tgan yozda "qizil iblislar" Myunxen klubida to‘p tepgan Nussair Mazraui va Matteys de Ligt bilan shartnoma imzolagandi. Sky Germany xabariga ko‘ra, Alfonso Devis joriy mavsum yakunlanganidan keyin xuddi shunday yo‘ldan borishi mumkin. Kanadalik futbolchi "Manchester Yunayted"ning 2025 yildagi asosiy transfer maqsadiga aylandi.

23 yoshli chap qanot himoyachisining "Bavariya" bilan shartnomasi iyun oyi oxirida tugaydi, shuning uchun u bilan tekinga shartnoma imzolanishi mumkin. "Real Madrid" uzoq vaqtdan beri Devisga asosiy da’vogar sanalib kelmoqda.