"Liverpul" Joshua Kimmix bilan aloqaga chiqdi

OAV xabariga ko‘ra, "Liverpul" "Bavariya" yarim himoyachisi Joshua Kimmixning atrofidagilar bilan yozda ehtimoliy transfer bo‘yicha muzokaralarni boshlagan.

Nemisning myunxenliklar bilan shartnomasi 6 oydan keyin yakuniga yetadi. "Qizillar" yulduz yarim himoyachini o‘z safiga qo‘shib olmoqchi. "Liverpul" yozda "Real"ga o‘tmoqchi bo‘lgan Trent Aleksander-Arnoldning o‘rniga Kimmixni ko‘rmoqda.

"Bavariya" Kimmixni jamoada saqlab qolish niyatida. Klub nemis futbolchisi bilan shartnomani uzaytirish borasida muzokara olib bormoqda. Futbolchining o‘zi hali yakuniy qarorga kelgani yo‘q.