Ronaldu «An-Nasr» bilan yangi shartnoma bo‘yicha qancha maosh olishi ma’lum qilindi

«An-Nasr» 39 yoshli hujumchi Krishtianu Ronaldu bilan amaldagi shartnomani uzaytirish bo‘yicha muzokaralarni olib bormoqda. Uning shartnomasi 2025 yil yozida tugaydi. Bu haqda jurnalist Ben Jeykobs X (ilgari Twitter) ijtimoiy tarmog‘ida xabar berdi.  

Manba ma’lumotiga ko‘ra, portugaliyalik futbolchi yangi mehnat kelishuvi asosida haftasiga 3 mln yevrodan ko‘proq maosh oladi, shuningdek, jamoaning natijalariga bog‘liq ravishda bonus to‘lovlari ham olishi mumkin. Ronaldu Saudiya Arabistonida qolishni istayapti, chunki bu unga 2026 yilgi Jahon chempionatida ishtirok etish imkonini beradi.  

Joriy mavsumda Ronaldu barcha musobaqalarda 20 ta o‘yinda qatnashib, 17 ta gol va 3 ta assistentlik bilan ajralib turdi. Transfermarkt portali ma’lumotlariga ko‘ra, futbolchining bozor qiymati €12 mlnni tashkil etadi.