Gvardiola yana "Siti" inqirozi sabablarini tushuntirishga harakat qildi

"Manchester Siti" bosh murabbiyi Xosep Gvardiola jamoaning joriy mavsumda duch kelgan inqiroz sabablari haqida yana bir bor gapirdi.

Shanba kuni "shaharliklar" Angliya kubogida "Salford Siti"ni mag‘lub etishdi (8:0) - bu ularning ketma-ket uchinchi g‘alabasi. Bungacha Gvardiola shogirdlari 13 uchrashuvda bor-yo‘g‘i bir marta g‘alaba qozonib, 9 marta mag‘lubiyatga uchragan.

"Muammolarimizning sababi shundaki, bizda zaxira tarkibi yo‘q edi. Futbolchilarimizning 60 foizi jarohat olgan. To‘rt-besh nafar himoyachimiz hech qachon birga ikkita mashg‘ulot o‘tkazmagan - bu mavsumdagi muammo shu. Shuning uchun biz ushbu yoki keyingi transfer oynasida tarkibni yana bir necha o‘yinchi bilan kuchaytirishga harakat qilyapmiz", - deya ispaniyalik murabbiyning so‘zlaridan iqtibos keltiradi City Report nashri.