SSKA Braziliya chempionatining eng yaxshi to‘purarini o‘z safiga qo‘shib olmoqchi

Moskvaning SSKA futbol klubi Braziliyaning "Red Bull Bragantino" jamoasining 24 yoshli hujumchisi Alerrandroga qiziqish bildirmoqda.

Bu haqda jurnalist Vene Kasagrande X ijtimoiy tarmog‘ida (sobiq Twitter) xabar berdi.

Manbaga ko‘ra, "armiyachilar" jamoasi allaqachon muzokaralarni boshlab yuborgan va braziliyalikning transferi uchun 6 million yevro taklif qilgan.

"Vitoriya"da ijara asosida o‘ynayotgan Alerrandro 15 ta gol bilan 2024 yilgi Braziliya chempionatining eng yaxshi to‘purariga aylandi.

Alerrandro - "Atletiko Mineyro" tarbiyalanuvchisi. Faoliyati davomida u barcha turnirlarda 216 ta o‘yin o‘tkazib, 60 ta gol urgan va 21 ta golli uzatmani amalga oshirgan.