Rays: "Jek uchun juda xursandman"

"Arsenal" yarim himoyachisi Deklan Rays angliyalik jamoadoshi Jek Grilish haqida maqtovlar aytdi.

"Manchester Siti" vakili Finlyandiyaga qarshi Millatlar ligasi o‘yinida (3:1) gol urdi.

"Siz Grilish qanchalik yaxshi ekanini bilasizmi? Rostini aytsam, uni mashg‘ulotlarda ham, o‘yinlarda ham ko‘rsangiz, unda qandaydir o‘ziga xoslik borligini tushunasiz.

Buni futboldagi eng yaqin do‘stlarimdan biri bo‘lgani uchun aytmayapman. Uning bosim ostida to‘pni qabul qilish usuli aql bovar qilmaydi.

Men Jek uchun juda xursandman. Uning ishtiroki butun jamoaga foyda keltiradi", dedi Rays.