Lamin Yamal Kilian Mbappeni ortda qoldirdi!

Nufuzli Transfermarkt portali Ispaniya La ligasida o‘ynayotgan 507 nafar o‘yinchiga kecha yangi narx belgiladi.

Top natijalar: Yamal bir yilda +120 million qo‘shdi

2024 yil, shubhasiz, Lamin Yamal uchun tarixiy yil bo‘ldi. Bir yil oldin (2023 yil 23 dekabr) uning bozor qiymati 60 million yevroga baholangan edi. Bugungi kunda esa ushbu ko‘rsatkich 150 million yevrodan 180 million yevrogacha o‘sdi. "Barselona"ning hujumchisi yil davomida qiymati eng yuqori oshgan futbolchi bo‘ldi (+120 mln yevro). Uning ortidan "Chelsi"dagi Kou Palmer (+85 mln yevro) va jamoadoshi Pau Kubarsi (+30 mln yevro) o‘rin olgan.

Narxi yaxshigina oshgan jami 11 futbolchidan 6 nafari "Barselona"da o‘ynaydi. Ular quyidagilar:

- Yamal (150–180 mln yevro)
- Kubarsi (40–70 mln yevro)
- Pedri (80–100 mln yevro)
- Rafinya (60–80 mln yevro)
- Mark Kasado (15–30 mln yevro)
- Alexandro Balde (40–50 mln yevro)

Ushbu yangilanishdan so‘ng, "Barselona"ning umumiy qiymati 1,015 milliard yevroga yetdi va dunyodagi beshinchi eng qimmat jamoaga aylandi. U "Liverpul"ni (967 mln yevro) ortda qoldirdi.

Salbiy natijalar: Mbappe Qatar mundialidan oldingi qiymatiga qaytdi

"Barselona" yangilanishdan eng ko‘p foyda ko‘rgan bo‘lsa, uning katta raqibi – "Real Madrid" eng ko‘p yo‘qotishga uchradi. Quyidagi besh futbolchining qiymati 20 million yevroga pasaydi:

- Kilian Mbappe (180 → 160 mln yevro)
- Orelyen Tchuameni (100 → 80 mln yevro)
- Eduardo Kamavinga (100 → 80 mln yevro)
- Eder Militao (60 → 40 mln yevro)
- Endrik (60 → 40 mln yevro)

Jami bo‘lib, "Real Madrid"ning qiymati 126,3 million yevroga tushib ketdi, ammo 1,233 milliard yevro bilan dunyoning eng qimmat jamoasi bo‘lib qolmoqda.

Eng yaxshi 10 futbolchi: Vinisius yetakchilikni saqlab qoldi

Musobaqa yangilanishidan so‘ng eng yuqori baholangan futbolchilar ro‘yxatida o‘zgarishlar kuzatildi:

1. Vinisius Junior (200 mln yevro)
2. Lamin Yamal (180 mln yevro)
2. Jud Bellingem (180 mln yevro)
4. Kilian Mbappe (160 mln yevro)
5. Pedri (100 mln yevro).