Ziyesh Premyer-ligaga qaytishi mumkin

Hujumkor yarim himoyachi Hakim Ziyesh "Galatasaroy"da o‘ynashni istamasligini ma’lum qildi. "Transfer News Live"ning "Fichajes" nashriga tayanib xabar berishicha, 31 yoshli marokashlik Angliya chempionatiga qaytishi mumkin. Hozirda Ziyeshga Premyer-liganing ikki klubi "Ipsvich" va "Vest Xem" qiziqish bildirmoqda.

Aytish joizki, "Vest Xem" va "Ipsvich" bu mavsumda yaxshi o‘yin ko‘rsatmayapti: "bolg‘achilar" hozirda Angliya chempionati turnir jadvalida 14-o‘rinni, "traktorlar" esa 18-o‘rinni egallab turibdi.

Ziyesh avvalroq Angliyada "Chelsi" sharafini himoya qilgan. Nufuzli "Transfermarkt" portali futbolchini 7 million yevroga baholamoqda.