«Sautgempton» yangi bosh murabbiy nomini e’lon qildi

«Sautgempton» klubining yangi bosh murabbiyi etib Ivan Yurich tayinlandi. Xorvatiyalik mutaxassis Angliya klubi bilan 18 oylik shartnoma imzoladi.

Dekabr oyi o‘rtalarida «Sautgempton» bosh murabbiyi Rassel Martin lavozimidan ozod etilgan edi.

Yurichning so‘nggi ish joyi «Roma» bo‘lgan. Rim klubidan 49 yoshli murabbiy noyabr oyida, faqat ikki oy ishlaganidan so‘ng, iste’foga chiqarilgan.

«Sautgempton» hozir APL jadvalida oxirgi o‘rinda bormoqda, 16 ta o‘yinda bor-yo‘g‘i 5 ochko to‘plagan.