Ispaniya 18 ta o‘yindan beri yutqazmayapti

Ispaniya terma jamoasi rasmiy o‘yinlardagi mag‘lubiyatsiz seriyasini davom ettirmoqda.

Luisade la Fuente jamoasi kecha oqshom Millatlar ligasi guruh bosqichi doirasida Daniyani mag‘lub etdi (1:0).

Ispaniya so‘nggi 18 ta rasmiy o‘yinda yutqazmayapti — 16 g‘alaba va 2 durang. "Qizil furiya" so‘nggi marta 2023 yilning mart oyida Shotlandiyaga imkoniyatni boy bergandi (0:2). Bu vaqt oralig‘ida Ispaniya Millatlar ligasi va Yevro-2024da g‘alaba qozondi.

O‘rtoqlik o‘yinlarini ham qo‘shib hisoblaganda Ispaniya 13 ta bahsdan beri yutqazmayapti. Jamoa so‘nggi marta 2024 yilning mart oyida Kolumbiyaga qarshi o‘rtoqlik o‘yinida yutqazgandi.