Stam: "Van Deyk APL tarixidagi eng yaxshi himoyachi emas"

Mashhur sobiq futbolchi Yap Stam "Liverpul" himoyachisi Virjil van Deyk haqida fikr bildirdi.

"Ba’zilar Virjil van Deykni Premyer-liga tarixidagi eng yaxshi himoyachi deb aytishadi. Men bunga qo‘shilolmayman. Muxlislar so‘nggi yillarni yaxshiroq eslashlari uchun shunday deyishyapti, lekin bundan 20-25 yil avval sodir bo‘lgan voqealarni, o‘sha davrdagi markaziy himoyachilarni unutib bo‘lmaydi. Bizning davrimizda sifatli, jahon darajasidagi markaziy himoyachilar ko‘proq bo‘lgan.

Van Deykdan xursandman, chunki u ajoyib xarakterga ega zo‘r yigit, bundan tashqari, albatta ikkalamiz ham niderlandmiz. Lekin men uni Premyer-liga tarixidagi eng yaxshi himoyachi deb hisoblamayman", dedi Stam.