Musiala: "Messi - mening qahramonim"

"Bavariya" va Germaniya terma jamoasining 21 yoshli yarim himoyachisi Jamol Musiala "Inter Mayami" safida o‘ynayotgan argentinalik hujumchi Lionel Messini o‘zining sevimli futbolchisi deb e’tirof etdi.

"Bolaligimda futbolkamning orqa tomonida deyarli har doim Messi ismi yozilgan bo‘lardi. Menga Neymar nomi tushirilgan futbolka ham bor edi, lekin Messi mening qahramonim, sevimli o‘yinchim edi!" - dedi Musiala.

Joriy mavsumda Musiala barcha musobaqalarda 21 ta o‘yinda ishtirok etib, 12 ta gol urdi va 5 ta golli uzatma berdi.