Vinisius Junior – «The Best-2024» sohibi!

Vinisius Junior FIFAning eng yaxshi sovrinini qo‘lga kiritdi.

«Real Madrid»ning 24 yoshli braziliyalik vingeri Xalqaro futbol federasiyasi (FIFA) talqiniga ko‘ra yilning eng yaxshi futbolchisi sovrinini qo‘lga kiritdi.

2024 yilning eng yaxshi futbolchisi bo‘lish uchun boshqa da’vogarlar orasida Jud Bellingem, Dani Karvaxal, Kilian Mbappe, Federiko Valverde (barchasi «Real Madrid»), Erling Xoland, Rodri (ikkalasi ham «Manchester Siti»), Toni Kroos (nafaqaga chiqqan), Lionel Messi («Inter Mayami»), Florian Virts («Bayer») va Lamin Yamal («Barselona») bor edi.

Vinisius Dohadagi bugungi tadbirda ishtirok etdi. Madridliklar 18 dekabr kuni Qatarda bo‘lib o‘tadigan Qit’alararo kubok finalida «Pachuka»ga qarshi o‘ynaydi.

2023 va 2022 yillarda eng yaxshi futbolchi sovrini Lionel Messiga topshirildi. Argentinalik uch marta sovrinni qo‘lga kiritdi, bu rekord. Bu Vinisiusning birinchi mukofoti edi.