Laporta «Barselona»ning La Ligadagi vaziyatiga to‘xtaldi

Joan Laporta «Barselona»ning La Ligadagi holatiga izoh berdi.

«Orqaga qarashni yoqtirmayman. Bugun chempionat noldan boshlanayotgandek. Biz stakan yarim to‘la deb hisoblaymiz.

Albatta, biz 7 yoki 8 ochkolik tafovutga ega bo‘lishni xohlaymiz. Biz kerak bo‘lmagan ochkolarni yo‘qotdik, lekin men uchun bu allaqachon o‘tmishda qoldi. Oldinga siljish va har bir o‘yin endi Chempionlar ligasidagi o‘yinga o‘xshab qolishini jamoaga yetkazish kerak. «Atletiko»ga qarshi o‘yinga aynan shunday munosabatda bo‘lish kerak», - dedi «Barselona» prezidenti.